“Largohuni nga Irani tani!”, ambasada e SHBA jep alarmin për qytetarët amerikanë

Ambasada Virtuale e SHBA-ve në Iran lëshoi ​​një alarm sigurie të premten në mëngjes duke u bërë thirrje qytetarëve amerikanë: “Largohuni nga Irani tani!”

Po ashtu është kërkuar nga qytetarët të përgatisin plane largimi që nuk mbështeten në ndihmën e qeverisë amerikane.

Njoftimi vjen përpara bisedimeve të planifikuara midis SHBA-së dhe Iranit në Oman të premten, ku ka pak pritshmëri që palët të gjejnë gjuhën e përbashkët.

SHBA-të kanë lëshuar disa alarme të ngjashme sigurie gjatë muajit të kaluar. Ambasada i nxiti qytetarët amerikanë të largoheshin nga vendi për herë të fundit përmes një paralajmërimi të bërë më 14 janar, në një kohë kur Trump po shqyrtonte mundësinë e një ndërhyrje në Iran, duke përfshirë sulmet ushtarake.