Profesori universitar, Blerim Latifi, ka krahasuar konvertimet në kishën e Llapushnikut në Drenicë me arrestimin e disa personave ekstremistë në Kaçanik për vrasjen e policit Muhamed Lika.
Në një shkrim në rrjetin social Facebook, Latifi madje ka thënë se “kush i thotë vetes shqiptar, e sheh dallimin”.
“Krahasoni këtë pamje te djeshme nga Llapushniku i Drenicës me ato të djeshmet nga Kaçaniku. Kush ka sy me pa dhe i thotë vetes shqiptar, e sheh dallimin e madh” – ka shkruar ai.
Latifi iu referua arrestimit të 7 personave dje në Kaçanik, të cilët dyshohen për vrasjen e policit Muhamed Lika. Këta persona dyshohen gjithashtu edhe për ekstremizëm religjioz.
