Libani me dy kohë, përplasje mes politikës dhe fesë për ndryshimin e orës

Banorët e Libanit u zgjuan në dy zona rivale kohore të dielën, ne mesin e një grindje që ka përfshirë autoritetet politike dhe fetare se kur do të shkojë ora përpara.

Kryeministri në detyrë, Najib Mikati një mysliman suni, njoftoi se kursimi i dritës do të fillonte në fund Ramazanit, me20 prill.

Edhe pse nuk u dha një arsye për vendimin, kjo shihet si një përpjekje për të lejuar besimtarët myslimanë të prishin më shpejt agjërimin gjatë Muajit të Shenjtë.

Por Kisha Maronite me shumë ndikim, me e madhja e komunitetit të Krishterë ne vend, tha të shtunën se nuk do t’i bindej vendimit të qeverisë dhe se do të çonte orën përpara me 60 minuta, si çdo vit.

Gjithashtu, organizata të tjera të Krishtera, parti, shkolla, biznese dhe organizata mediatike njoftuan plane të ngjashme.

Sakaq, institucionet dhe partitë Islamike do të mbeten me orën e dimrit, duke thelluar edhe më shumë ndasitë në një vend që ka përjetuar një luftë civile mes fraksioneve myslimane dhe të krishtera, nga vitet 1975 deri në 1990-n dhe ku ulëset në Parlament jepen nga sektet fetare.

Kompania ajrore kombëtare “Middle East Airlines” njoftoi se akrepat e saj do të qëndronin në orën dimërore por se do të rregullonte oraret për t’iu përshtatur atyre ndërkombëtare.

Shumë thonë se kaosi aktual mishëronte dekadat e qeverisjes së dështuar nga liderët që çuan Libanin në krizën financiare në vitin 2019.