Liderët opozitarë nuk i janë përgjigjur pozitivisht ftesës së presidentes Vjosa Osmani, për të marrë pjesë në manifestimin qendror “Nga Eksodi në Liri” që po mbahet në Bllacë me rastin e përvjetorit të 23-të të Ditës së Lirisë.
Zyra e Presidentes i ka thënë KOHËS se Memli Krasniqi i Partisë Demokratike të Kosovës, Lumir Abdixhiku i Lidhjes Demokratike të Kosovës dhe Ramush Haradinaj i Aleancës për Ardhmërinë e Kosovës janë ftuar, por se kanë zgjedhur ta bojkotojnë pjesëmarrjen në këtë manifestim të organizuar nën patronatin e Presidencës së Kosovës.
“Opozita ka refuzuar të marrë pjesë në manifestimin qendror në Bllacë, për Ditën e Lirisë, megjithëse ishin të ftuar. LDK-ja dhe AAK-ja e kanë konfirmuar mosardhjen”, ka thënë këshilltari për media i Osmanit, Bekim Kupina.
Në këtë manifestim të pranishëm janë kryeparlamentari Glauk Konjufca dhe kryeministri Albin Kurti, si dhe përfaqësues diplomatikë në Kosovë, duke përfshirë ambasadorin e Shteteve të Bashkuara, Jeff Hovenier.
Krasniqi i PDK-së dhe Haradinaj i AAK-së kanë zgjedhur ta përkujtojnë Ditën e Lirisë duke postuar në llogaritë e tyre në Facebook.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…