Ngas sot ka filluar edhe zyrtarisht në qytetin e Llozanës aktiviteti tashmë tradicional “Lausanne Méditerranées” (Mesdheu i Lozanës), ku po prezantohet denjësisht kultura nga të gjitha hapësirat shqiptare. Programi i pasur nga aktiviteti “Lausanne Méditerranées” (Mesdheu i Lozanës) do të zgjasë deri më 5 tetor, raporton albinfo.ch.
Qyteti i Llozanës ka frymuar shqip gjatë gjithë ditës së shtunë, ku viziorët e shumtë kanë ndjekur nga afër aktivitete të organizuara nga shumë shoqata shqiptare që promovojmë kulturën dhe traditën shqiptare me aktivitete, debate, teatër, këngë dhe valle tipike shqiptare.
Në mesin e vizitorëve ishte i pranishëm edhe kryetari i qytetit të Llozanës, Gregorie Junod, po ashtu edhe Ambasadori i Shqipërisë në Bernë, Ilir Gjoni.
Ky edicion i ri i “Lausanne Méditerranées dëshiron” të thyejë klishetë dhe të hapë dyert për kulturën shqipfolëse këtu dhe në Ballkan, gjithashtu.
Do të ketë prezantime nga teatri, muzika, letërsia, kinemaja, por edhe nga kuzhina.
Aktivitetet do të zhvillohen në partneritet me Cinémathèque suisse, Arsenic, Théâtre de Vidy dhe shoqatat shqiptare (Albinfo.ch, ISEAL, ACAS, L’Avenir, Ilirët, Teuta, AEAUL, Dona, LIRIA, CICRA, Swiss Albania Event).
Krahas programit të shumta e të larmishme artistike, do të ketë edhe debate, tryeza socio-politike etj.
