Pallatet më të larta të Nju Jorkut, çdo ditë dridhen nga shpërthimet që vijnë nga fronti i luftës, vetëm pak kilometra larg, ndërkohë që qyteti më i afërt është tashmë i pushtuar totalisht nga ushtria e Moskës.
Nuk është skenari i një filmi distopik, dhe metropoli amerikan me Statujën e Lirisë është më se i qetë, për momentin.
Por pak dinë se në rajonin e Donjetskut ekziston një tjetër “Nju Jork”, i shkruar pikërisht kështu, qytezë industriale me rreth 20 mijë banorë, shumë pak prej të cilëve jetojnë ende aty. Qyteza është në frontin më të nxehtë të konfliktit në Ukrainë, me një popullsi më së shumti rusofone, dhe emri është ende një mister.
Versioni më serioz flet për një komunitet i sektit të Menonitëve, me origjinë nga qyteti i Jorkut në Gjermaninë veriore, të cilët u transferuan në vitin 1892 në ato territore. Gjatë Bashkimit Sovjetik, qyteza mori emrin rus Novhorodske, emër i ndryshuar sërish me shpalljen e pavarësisë së Kievit.
Nga viti 2014, qyteza vuan nga bombardimet nga të dy palët në konflikt, industria që mbante ekonominë është vetëm një kujtim i së kaluarës dhe çdo iniciativë e bashkisë dështon, si përshembull “Maratona e Nju Jorkut”, imitim i asaj amerikane, ku morën pjesë vetëm 5 vrapues. Nju Jorku ukrainas është tashmë një qytet i harruar.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…