Lushtaku: Nuk e prisja që Kurti të pranonte UDB-ash në Vetëvendosje

Anëtari i Partisë Demokratike të Kosovës, Sami Lushtaku, ka zbuluar se është takuar me kryeministrin në detyrë të Qeverisë së Kosovës, Albin Kurtin, duke thënë se ky i fundit ka vizituar atë kur ka dalur prej burgut.

I ftuar në ‘Personale’ të RTV Dukagjinit, Lushtaku tutje ka shtuar se kjo vizitë ka ndodhur në vitin 2004, duke shtuar se nuk ka qenë e pritshme nga ai që njerëzit, të cilët sipas tij, e urrejnë Ushtrinë Çlirimtare të Kosovës dhe janë pjesë e shërbimit sekret jugosllav, UDBA të jenë në partinë e Kurtit, duke nënkuptuar këtu ish-këshilltarin e Kurtit, Shkelzen Gashin.

“Në vitin 2004 Albin Kurti më vizitoi kur dola nga burgu, por nuk e kam pritë që njerëzit që urrejnë UÇK’në dhe janë Udbash të jenë në partinë e tij, nuk e ka respektin tim që e kishte dikur për këtë arsyeje”, tha Lushtaku në Personale të RTV Dukagjinit.

Ish-kryetari i Komunës së Skenderajt, tutje komentoi edhe qeverisjen e Kurtit për të cilin thotë se e pati rastin por e humbi vetë, duke shtuar se në lidhje me çështjen e bajrakut për të cilën Kurti akuzoi kryetarin e AAK’së, Ramush Haradinajn, është lideri i VV’së ai i cili e lëshoi flamurin.