Rita Ora është një ndër këngëtaret më të njohura shqiptare. Por së fundmi në Serbi disa postera të këngëtares janë hequr.
Mësohet se posterat e Rita Orës janë hequr pasi kjo e fundit është cilësuar si mbrojtësja e ish-“kriminelëve” të UÇK-së.
Media serbe dhe “Informer” ka shkruar:
Skandaloze! Shqiptarja Rita Ora i qesh Beogradit në fytyrë! Këngëtarja e preferuar e Haradinaj dhe Thaçit në billbordat e kryeqytetit!”
Në posterat që janë hequr Rira Ora shfaqet duke promovuar një markë perëndimore. Por nga media serbe ajo është cilësuar si një mbështetëse e flaktë për krijimin e Shqipërisë së Madhe.
Në qendër të Beogradit ishin vendosur 27 postera, por të gjitha janë hequr, pasi media serbe e ka cilësuar këngëtaren si një provokatore.
Kurse nga Rita Ora ende s’ka pasur një reagim.
