U hodh i vdekur në rrugë mbrëmë në Durrës, ja kush është 25-vjeçari

Një ngjarje e rëndë ndodhi mbrëmë në qytetin e Durrësit. Një 25-vjeçar mbeti i vdekur si pasojë e një aksidenti.

Mësohet se viktima e aksidentit të natës së kaluar në Durrës është identifikuar si Ramazan Bata.

Familja kishte ardhur nga Burreli për një jetë më të mirë në qytetin bregdetar.

“Më datë​ 26.10.2019, rreth orës 20:10 në autostradën Tiranë- Durrës,​​ në afërsi të një karburanti, në Shkozet, ​ shtetasi P.T,​ duke ​drejtuar ​një mjet autobus tip ‘Skania’ ​është ​përplasur​ ​me​ motorin tip ‘Dajang’, me drejtues shtetasin R. B, 25 vjeç,  banues ne lagjen nr 15, Durrës, i cili ka gjetur vdekjen​.

Nga këqyrja e kamerave dhe veprimet paraprake rezulton se drejtuesi i motorit si pasojë e përplasjes nga autobusi është përplasur edhe me një mjet tjetër, i cili e ka spostuar trupin e viktimës nga vendngjarja”, thuhet në njoftimin e policisë.