<p><strong>Nënkryetari i Lëvizjes Vetëvendosje, Besnik Bislimi, ka reaguar pasi bashkëpartiaku i tij, Sali Zyba, përmes një statusi në Facebook, menjëherë pas zgjedhjeve, e kërcënoi Shpend Ahmetin, se nën pushtetin e VV’së do ta heqin nga kreu i Prishtinës dhe se i duhet të zgjedh vendin ku të ikë.</strong></p>
<p>Pas shumë reagimeve, Besnik Bislimi, ka shkruar se Vetëvendosje duhet të sillet sipas pritjeve të mëdha që kanë ndaj saj.</p>
<p>Ai i ka kërkuar secilit deputet, asamblist e aktivist të Vetëvendosjes të mos ofendoj dhe të respektoj secilin, pa dallim.</p>
<p>Bislimi po ashtu kërkon që gjuha përcmuese e përcarëse që, sipas tij, është përdorur më herët mes opozitës dhe pozitës t’i takojë të kaluarës dhe të mos fyhet askush nga VV’ja.</p>
<p><strong>Shkrimi i plotë i nënkryetarit të VV’së:</strong></p>
<p>Të nderuar aktivistë, vullnetarë e mbështetës të Lëvizjes Vetëvendosje, të nderuar qytetarë të Kosovës,</p>
<p>Fillimisht urime secilit prej jush për fitoren e madhe të 6 tetorit. Dhe faleminderit për mbështetjen e parezervë të manifestuar edhe përmes daljes masive në vendvotime. Me 6 tetor e përmbyllëm një fushatë shumë intenzive, shumë të pastërt dhe afirmative nga ana e Lëvizjes Vetëvendosje, por edhe nga subjektet tjera pjesëmarrëse ne zgjedhje.</p>
<p>Fitorja është e madhe për arsye se edhe pritjet e qytetarëve nga qeverisja e re janë shumë të mëdha. Si qytetarët e vendit ashtu edhe miqtë tanë nga regjioni e më larg, me të drejtë presin që qeveria e re të prezantojë një qasje komplet ndryshe si ndaj buxhetit të shtetit ashtu edhe ndaj aseteve e ndërmarrjeve publike; si ndaj nxënësve ashtu edhe pensionistëve; si ndaj punëtorëve ashtu edhe ndërmarrësve; si ndaj gruas ashtu edhe të rinjve; si ndaj qytetarëve këtu (pa dallim etnie) ashtu edhe mërgatës. Një qasje bashkëpunuese ndaj opozitës. E parasëgjithash një fjalor në komunikim që reflekton respekt ndaj secilit e për secilin.</p>
<p>Dhe kanë të drejtë në këto pritje. Është tejet e rëndësishme që secili prej nesh, pamarrë parasysh deputet apo asambleist, aktivist apo mbështetës, të dëshmojmë secilen ditë të lume që këto pritje do të përmbushen. Që gjuha përçmuese e përçarëse që ka qenë e zakonshme në komunikimin e ish pozitës me ne, përfundimisht i takon së kaluarës. Që secili qytetar i vendit të ketë arsye të ndihet rehat nën qeverisjen tonë.</p>
<p>Vetëm kështu tregojmë se e meritojmë besimin që na është dhënë më 6 tetor.</p>
<p>Shumë faleminderit.</p>


Burime që folën për mediat amerikane pohuan se Izraeli planifikon të kryejë operacion ushtarak kundër…
Një influencuese nga Brazili është bërë virale në rrjetet sociale pasi tregoi mënyrën e pazakontë…
Shtetet e Bashkuara kanë urdhëruar evakuimin e stafit jo-thelbësor dhe familjarëve të tyre nga ambasada…
Kryeministri i Izraelit, Binyamin Netanyahu, deklaroi: “Edhe pse disa nuk ndajnë të njëjtin mendim me…
Në emisionin Rubikon, kryetari i Nisma Socialdemokrate, Fatmir Limaj ka shpalosur detaje të takimeve sy…
Shqipëria ka parë rritjen më të madhe të turizmit gjatë tre muajve të parë të…