Një mulla kurd u arrestua nga autoritetet saudite të martën për organizimin e shërimit hyjnor të një të verbri, dy ditë pasi njoftoi se kishte lënë rajonin e Kurdistanit për të kërkuar ushtrimin e lirshëm të zanatit të tij në Arabinë Saudite.
Mullah Ali Kalak, ndryshe i njohur si Mala Ali Kurdistani, ka ngjallur polemika përmes videove të cilat pohohet se i shëron njerëzit e sëmurë, të pushtuar nga djalli dhe ata me aftësi të kufizuara duke përdorur vargje kuranore.
https://www.facebook.com/MalaAliKurdistani/videos/489535471949785/
Kalak publikoi një video në Facebook të dielën në të cilën ai me sa duket shëron një burrë të moshuar në qytetin e shenjtë Saudit të Medinës, i cili pretendon se ka qenë i verbër për dhjetë vjet. Mulla lëpinë gishtin tregues me gjuhën e tij dhe e vendos atë në të dy sytë e burrit, përpara se të lexojë një varg nga Kurani. Disa sekonda më vonë, i moshuari pretendon se i është rikthyer shikimi.
Ai u arrestua menjëherë pas publikimit të videos. Policia e Medinës i tha TV Rudaw që arrestoi Mulla Aliun për “trafikim të pakistanezëve”, në referim ndaj burrit që u shfaq në video, “dhe duke pretenduar se ai i shëron ata”.
Arrestime të tilla për mashtrim të janë bërë edhe më herët nga policia e Medinës, e cila tha se më parë arrestoi një irakian 50-vjeçar në xhaminë e shenjtë të qytetit për mashtrim.
Kalak tha se ai ishte vendosur përgjithmonë në rajonin e Gjirit, pasi ishte në shënjestër nga autoritetet Kurde.
Qendra e shërimit që ai drejtoi në vendlindjen e tij në Kalak, 40 kilometra larg nga Erbil, u mbyll në mënyrë të përsëritur, tha një zyrtar i KRG për Rudaw.
“Ata na respektojnë në të gjitha vendet. Unë e dua vendin tim. Unë kam një shkencë të cilën dua ta marr kudo në botë. Dua t’u mësoj të gjithëve
(për shërimin e njerëzve përmes Kuranit të Shenjtë])”, tha ai në video.
“Kurdistani nuk është i interesuar për shkencën,” tha ai në video, duke pohuar se njerëz si ai arrestohen në Rajonin e Kurdistanit, por nderohen dhe shpërblehen në vendet e tjera.
