Dy policë kosovarë dyshohet të jenë plagosur sonte në Skënderaj.

“Jepi zë” mëson se, sipas dëshmitarëve, ngjarja ka ndodhur rreth orës 00:15 të mbrëmjes së sotme.

Gazeta mëson se njëri zyrtar është goditur në kokë, ndërsa tjetri në trup.

I dyshuar për rastin është ish-nënkryetari Nuredin Lushtaku dhe disa familjarë të tij.

Të plagosur me këtë rast, kanë mbetur policët Enver Smakiqi dhe Mergim Geci.

Siç mësohet, gjithçka ndodhi për një gjobë që policët i shqiptuan personit të dyshuar, i cili nxori armën dhe gjuajti në drejtim të policëve.

Edhe policët kishin nxjerrë armët, duke shkëmbyer zjarr.