Meteorologët paralajmërojn mot ekstrem: Po vjen vala e të ftohtit nga Arktiku

Një masë e fuqishme ajrore me origjinë polare do të depërtojë në drejtim të Gadishullit Ballkanik të martën vonë pasdite duke shkaktuar destabilizim të fuqishëm të motit. Fillimisht do të kemi fuqizim të erërave jugore dhe jugperëndimore, pastaj do të fillojnë të dendura shiu. Gjatë natës mes së martës dhe së mërkures parashihet edhe kalimi i frontit të fuqishëm të ftohtë ajror.

Gjatë kalimit të frontit mund të ketë edhe rrebeshe të fuqishme shiu me vetëtima dhe bubullimë dhe erëra të fuqishme, kurse me uljen e temperaturave reshjet e shiut do të shndërrohen në reshje të dendura bore veçanërisht në viset kodrinore-malore.

Reshje bore priten në të gjitha pjesët kontinentale të rajonit, diku më shume e diku më pak, varësisht nga lartësia mbidetare dhe reliefi. Reshje bore priten në Kosovë dhe shumicën e territorit të Shqipërisë dhe Maqedonisë së Veriut.

Cikloni i fuqishëm do të pozicionohet me qendër afër Rumanisë, Bullgarisë dhe Detit të Zi dhe presioni i ajrit do të jetë shumë i ulët, kurse në anën tjetër në Britaninë e Madhe, Spanjë dhe Gjermani kemi anticiklonin e fuqishëm ku presioni i ajrit do të jetë shumë i lartë. Dallimi i madh në presion të ajrit dhe temperatura do të shkaktojë edhe erëra të fuqishme pikërisht në rajonin tonë.

Pra, deri të martën na pret mot pranveror, pastaj do të kemi destabilizim të fuqishëm të motit. Për sasinë e reshjeve të shiut apo borës është ende shumë herët të flitet sepse do të varet nga koha kur do të fillojnë reshjet dhe depërtimi i ajrit të ftohtë polar, sidoqoftë deri të përkeqësimi i motit kemi edhe dy -tre ditë dhe do tju informojmë në postimet tona tjera./Meteoballkan