Autoritetet kineze po përballen me përhapjen e shpejtë të virusit misterioz që tashmë ka marrë më shumë se një duzinë jetësh, gjersa të infektuar konsiderohen rreth 9 mijë persona.
Pasi shpërthimi i epidemisë vazhdon të përhapet jashtë Kinës, koronavirusi gjatë ditës së djeshme është shpallur një emergjencë globale nga Organizata Botërore e Shëndetit.
Profesori universitar, Milazim Krasniqi ka kujtuar keqtrajtimin që u bëhet në Kinë myslimanë ujgurë, për çka kohëve të fundit ka pasur raportime të vazhdueshme nga mediat e huaja, shkruan Reporteri.net.
Krasniqi ka thënë se Kina mban në kampe mbi një milionë muslimanë, të etnisë ujgure, mbi dhjetë milionë ujgurë në terror dhe tenton t’ua ndërrojë identitetin etnik dhe fetar në rajonin e Ksingjangut.
“Kur e kishte nda mendjen ta realizonte atë projekt monstruoz dhe antinjerëzor, iu shfaq belaja në formën e Koronavirusit, që po e shndërron tërë Kinën në kamp. Për ata që kuptojnë, kjo është shenjë e qartë nga Zoti i Botëve”, ka shkruar Krasniqi.
Kujtojmë se nga koronavirusi deri më tani kanë humbur jetën mbi 200 persona.
