Ministri izraelit i Mbrojtes: Kush ka kundërshtuar operacionet izraelite në Gaza të strehojë palestinezët

Ministri izraelit i Mbrojtjes, Israel Katz, thotë se vendet që kundërshtojnë operacionet ushtarake në Gaza duhet të marrin palestinezët që largohen vullnetarisht.

“Unë e mirëpres planin e guximshëm të presidentit Trump, banorëve të Gazës duhet t’u lejohet liria të largohen dhe të emigrojnë, siç është norma në mbarë botën”, citoi Channel 12 i Izraelit të thoshte Katz.

Ministri i Mbrojtjes urdhëroi ushtrinë të enjten të përgatisë një plan për të lejuar “largimin vullnetar” të banorëve nga Gaza, thanë media izraelite.

Kur u pyet se kush do t’i pranojë palestinezët, Katz tha se duhet të jenë vendet që kanë kundërshtuar operacionet ushtarake të Izraelit në Gaza.

“Vendet si Spanja, Irlanda, Norvegjia dhe të tjera, të cilat kanë ngritur akuza dhe pretendime të rreme kundër Izraelit për veprimet e tij në Gaza, janë ligjërisht të detyruara të lejojnë çdo banor të Gazës të hyjë në territoret e tyre”.

Ai shtoi: Hipokrizia e tyre do të zbulohet nëse ata refuzojnë ta bëjnë këtë.

“Ka vende si Kanadaja, e cila ka një program të strukturuar imigracioni, që kanë shprehur më parë gatishmërinë për të pranuar banorët e Gazës”.

Ideja e diskutueshme e Donald Trump, e cila ka ngjallur zemërim në Lindjen e Mesme, vjen ndërsa Izraeli dhe grupi militant Hamas pritet të fillojnë bisedimet për raundin e dytë të një plani të brishtë armëpushimi për t’i dhënë fund luftimeve gati 16 mujore në Gaza.

Plani i Katz do të përfshijë opsionet e daljes përmes kalimeve tokësore, si dhe aranzhime të veçanta për nisje nga deti dhe ajri, raportoi Channel 12.