Më 9 maj persona të maskuar dhe të armatosur kanë grabitur një bankë të nivelit të dytë në Koplik.

Gazetari i Euronews Albania Eni Ferhati ka siguruar pamjet nga momenti i grabitjes kur një person kërcënon me armë një punonjës të bankës.

Bekim Gurraj, 22 vjeç, Armir Shabaj, 25 vjeç dhe Admir Shabaj, 19 vjeç, banues në Aliaj, Malësi e Madhe janë arrestuar nga policia për këtë ngjarje.

Hetimet deri tani tregojnë se këta shtetas i kanë hedhur në ujë armët e zjarrit në vendin e quajtur “Syri i Sheganit”, degëzim i liqenit të Shkodrës.

Aktualisht është duke vijuar kontrolli nga polumbarët e RENEA-s, për të bërë të mundur gjetjen e tyre.

Deri tani, polumbarët kanë bërë të mundur gjetjen e njërës prej armëve të zjarrit, konkretisht një armë zjarri kallashnikov.