Një anije e marinës ruse është parë e shkatërruar teksa tërhiqet pranë një baze detare në Detin e Zi, pak orë pasi u përfol për një sulm me dron kamikazë nga ana e Ukrainës mbi flotën detare të Moskës pranë portit të Novorossiysk.
Videoja ku anija, që besohet se është Olenegorsky Gornyak e flotës së luftanijeve ruse tërhiqet nga rimorkiatorët është publikuar në rrjetet sociale, pak pasi Ministria e Mbrojtjes pretendoi se kishte penguar një sulm ukrainas me dron.
📽️Footage of Ukrainian unmanned surface drone targeting Russian landing ship Project 755 Olenegorsky Gornyak last night.#UkraineRussiaWar https://t.co/DKz2FsUosL pic.twitter.com/CvTlH4N8wp
— MilitaryLand.net (@Militarylandnet) August 4, 2023
Disa blogerë rusë e identifikuan gjithashtu anijen si Olenegorsky Gornyak.
Ndërkohë është publikuar edhe një tjetër video që tregon momentin kur luftanija ruse hidhet në erë nga një dron detar pa pilot.
Another video of a Russian landing ship that was reportedly damaged this morning being towed. The man filming the video says the ship is heavily listing and sinking deeper the further it goes. Hard to say what will happen to it but it doesn't look healthy. pic.twitter.com/0sGBgbtUwA
— WarTranslated (Dmitri) (@wartranslated) August 4, 2023
Videoja prej 36 sekondash, e xhiruar nga vetë droni, tregon se ai i afrohet një anije gjatë natës. Videoja përfundon pikërisht kur droni ndodhet sipër anijes, por CNN që e publikoi i pari atë nuk është në gjendje të verifikojë përfundimisht identitetin e anijes.
Në një deklaratë më herët të premten, Ministria Ruse e Mbrojtjes tha se dronë kamikazë synonin bazën detare Novorossiysk në provincën Krasnodar, por sulmi u zmbraps nga anijet ruse.
Ministria tha gjithashtu se rrëzoi 10 dronë ukrainas mbi Krime, gadishullin e aneksuar ilegalisht nga Rusia nga Ukraina në vitin 2014.
Por, një burim ukrainas konfirmoi për CNN se një operacion i përbashkët kishte në shënjestër anijen luftarake ruse.
“Sulmi ndaj anijeve detare ruse në portin e Novorossiysk të premten u krye në një operacion të përbashkët të Shërbimit të Sigurisë së Ukrainës me Marinën e Ukrainës. Një anije e madhe e marinës, Olenegorsky Gornyak u godit”, tha burimi ukrainas për CNN.
Sipas këtij burimi, një dron detar i ngarkuar me 450 kilogramë eksploziv TNT sulmoi anijen, e cila kishte rreth 100 ushtarakë rusë në bord.
“Si rezultat i sulmit, anija ruse ka marrë dëmtime serioze dhe nuk është në gjendje të përmbushë detyrat e saj”, tha burimi.
