Shefi i Tesla-s, Elon Musk thotë se do të fillojë prodhimin dhe përdorimin e robotëve humanoidë nga viti i ardhshëm. Në një postim në rrjetet sociale, Musk tha se robotët do të përdoren fillimisht nga Tesla, e cila do të nis t’i shesë në vitin 2026.
“Tesla do të ketë robotë humanoidë vërtet të dobishëm në prodhim të ulët për përdorim të brendshëm të Tesla vitin e ardhshëm dhe, shpresojmë, prodhim të lartë për kompani të tjera në vitin 2026”, tha Musk në platformën e tij të mediave sociale X, e njohur më parë si Twitter.
Miliarderi i teknologjisë kishte thënë më parë se priste që roboti, i quajtur Optimus, do të ishte gati për përdorim në fabrikat e Tesla deri në fund të këtij viti. Musk është i njohur për vendosjen e afateve ambicioze kohore për kompanitë e tij, të cilat ai nuk i ka përmbushur gjithmonë.
Në vitin 2019, ai tha se ndihej “shumë i sigurt” që Tesla do të kishte taksi vetë-drejtuese në rrugë deri vitin e ardhshëm. Më herët këtë vit, Musk tha se robotaksi i shumëpritur do të zbulohej më 8 gusht, por kjo nuk ka ndodhur duke konfirmuar se ky proces do të shtyhej në kohë për shkak të disa ndryshimeve në pjesën e përparme të makinave.
Firma të tjera, duke përfshirë Honda dhe Boston Dynamics, kanë zhvilluar gjithashtu robotët e tyre humanoidë.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…