Ish-kryeministri i Kosovës, Isa Mustafa, ka fajësuar Presidenten Vjosa Omani dhe Kryeministrin Albin Kurti, për mosliberalizimin e vizave për Kosovën në vitin 2016.
Mustafa ka thënë se atëherë i kanë lutur nga Bashkimi Evropian, e madje edhe Presidenti aktual i Shteteve të Bashkuara të Amerikës, Joe Biden, që të ratifikojnë marrëveshjen për demarkacionin me Malin e Zi.
“Tash edhe Presidentja Osmani, edhe Kryeministri Kurti edhe do të tjerë, na kanë lanë pa viza në vitin 2016. Këta janë ata që e patën krijuar situatën që ne të mos ecim me viza, sepse atëherë na lutshin të gjithë nga Bashkimi Evropian, ratifikojeni marrëveshjen e kufirit me Malin e Zi, edhe Shtetet e Bashkuara të Amerikës, edhe Presidenti i tanishëm Biden kishte ardhur në atë kohë, t’na luteshin ne që ta bëjmë atë punë sepse është interes i NATO’s dhe interes i stabilitetit botëror, që ne ta kemi Malin e Zi në NATO dhe këta e dëgjojshin Shpejtim Bulliqin, organizojshin me Bulliqin dhe jo Shtetet e Bashkuara, jo miqtë të cilët këta po thirren tani dhe këta na lanë pa viza atëherë”, ka deklaruar Mustafa.
Sipas tij, Kurti e Osmani po i lënë qytetarët pa viza edhe tani.
“Këta po na lënë pa viza edhe tani, sepse tani ky proces po lidhet me dialogun me Serbinë edhe me qetësimin e situatës në veri të vendit. Kemi hyrë në atë fazë që vështirë se do ta kemi përkrahjen e shteteve të veçanta të Bashkimit Evropian në liberalizimin e vizave, në qoftë se nuk stabilizohet situata në veri të vendit”, ka thënë Mustafa.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…