Muxhahedinët iranianë po zhvillojnë protesta përpara gjithë ambasadave shqiptare në Europë për ngjarjet e zhvilluara paraditen e kësaj të marte në ambientet ku qëndron organizata MEK në Shqipëri.
Sipas muxhahedinëve kanë qenë rreth 1000 policë që i kanë sulmuar në ambientet ku qendrojnë. Ata bëjnë me faj policinë duke pretenduar se kanë hedhur gaz lotsjellës dhe spraj piper kundrejt tyre si dhe i kanë thyer sende personale. Gjithashtu ata fajësojnë policinë se kanë qenë shkak që në kampin e tyre pati edhe një viktimë.
Në Paris, Francë, mbështetësit e Rezistencës Iraniane u mblodhën para ambasadës shqiptare dhe paralajmëruan se qetësimi i regjimit të mullahëve dhe negocimi me ta vetëm do t’i hapë rrugën vrasjeve dhe krimeve.
June 20 — Paris, France
Freedom-loving Iranians and supporters of PMOI/MEK gather in front of the Albanian embassy to condemn an attack by Albanian security forces against #Ashraf3pic.twitter.com/X3brQt5kWP— People's Mojahedin Organization of Iran (PMOI/MEK) (@Mojahedineng) June 20, 2023
Në Hagë të Holandës, mbështetësit e rezistencës iraniane u mblodhën përpara ambasadës shqiptare dhe bënë thirrje për t’i dhënë fund marrëveshjeve dhe lidhjeve me regjimin e mullahëve.
“Turp për këtë marrëveshje!” Mbështetësit e Rezistencës Iraniane kanë bërtitur përpara konsullatës shqiptare në Essen të Gjermanisë.
