Një lajm i trishtë ka ardhur për botën e artit në Shqipëri.

Kineasti i mirënjohur, Kristaq Dhamo, është ndarë nga jeta në moshën 89-vjeçare.

Lajmin e ka konfirmuar regjisori Joni Shanaj.

Ai shkruan se Dhamo u shua pranë dy vajzave dhe bashkëshortes së tij, arkeologes Dhorka Dhamo.

Artisti njihet si regjisori që realizoi filmin e parë shqiptar me metrazh të gjatë, “Tanën”.

Ai kishte lindur në 20 prill 1933 në Fier.

Dhamo realizoi gjithsej 11 filma artistikë dhe 5 dokumentarë.