Kryeministri Rama ka reaguar pas deklaratave të Presidentit Ilir Meta ditën e sotme se marrëveshja e 5 qershorit është e njëanëshme dhe në kundërshtim me propozimet e Komisionit të Venecias.
Përmes një statusi në rrjetet sociale, Rama shkruan se në Shqipëri nuk do ndryshojë sistemi, nuk do hiqen koalicionet por listat do hapen nga Kuvendi.
Reagimi i Ramës
“IM thotë ndryshimi i sistemit,heqja e koalicioneve,hapja e listave bëhen vetëm me referendum!Askund nuk bëhet referendum për këto çështje. Ndërsa këtu as sistemi s’do ndryshojë,as koalicionet s’do ndalohen,po listat do hapen nga Kuvendi i Shqipërisë me ligj, me zakon e me karton!
Sa për modelin lindor, modeli i koalicionit që kemi s’është as perëndimor,as jugor,as verior dhe prandaj nuk gjendet askund në lindje a në perëndirm! Modeli i ri do të jetë gjerman e plotësisht europian, koalicion tamam, me zë, figura e program,jo kosh karavidhesh pa din as iman! “.
