Në një det rezidencash të djegura në Los Anxhelos, vetëm një ka mbetur e padjegur

Pronari i një vile në Malibu, vlera e së cilës llogaritet në gati nëntë milionë dollarë, u befasua kur mësoi se godina e tij “i mbijetoi” një zjarri që shkatërroi të gjitha pallatet e zonës.

“Është një mrekulli, mrekullitë nuk ndalen kurrë”, tha për New York Post, David Steiner, drejtor në pension i qendrës së menaxhimit të mbetjeve. Ai nuk ndodhej në vilë në momentin e rënies së zjarrit. Ai mendoi se do ta humbte padyshim rezidencën kur pa zjarrin dhe tymin që e rrethonin.

“Kontraktori po shikonte lajmet dhe pa shtëpinë e fqinjit të tij në flakë. Më tha se edhe e imja do të digjej. Teksa pashë pamjet e zjarrit, mendova se asgjë nuk mund t’i shpëtonte. Atëherë mendova se kisha humbur atë vilë,” tha Steiner.

Dhe pastaj mesazhet filluan të vijnë tek ai. “Shtëpia jote është në të gjitha lajmet”, thuhej në mesazhe.

Vila e tij trekatëshe ishte jashtëzakonisht e vetmja që qëndronte në një det me vila të bukura të djegura buzë plazhit.

“Gruaja ime më tha se shtëpia jonë është e vetmja që qëndron ende në këmbë dhe kjo më bëri një buzëqeshje të madhe në këto kohë të vështira”, thotë pronari.

Steiner, një avokat dhe ish-drejtor i Waste Management Inc. në Hjuston, beson se prona e tij ishte projektuar me aq shumë elasticitet sa mund të përballonte tërmetet. Pikërisht për faktin se vila është ndërtuar për të qenë jashtëzakonisht e sigurt, besohet se u ka shpëtuar zjarreve që shkatërruan të gjitha shtëpitë aty pranë.

“Është ndërtuar me suva dhe gurë me çati të papërshkueshme nga zjarri. Themelet e ndërtesës janë 15 metra nën tokë, në mënyrë që të përballojë valët e fuqishme që godasin pikërisht poshtë saj“, përfundoi Steiner.