Dje janë arrestuar katër persona në Prizren të dyshuar për fajde, bën të ditur Policia e Kosovës përmes një komunikate për media.
“Lidhur me rastin më 22.10.2019 janë arrestuar katër të dyshuar meshkuj K-Shqiptar në dyshimin e bazuar se të njëjtit kanë kryer veprat penale fajde dhe detyrim”, thotë PK.
Tutje thuhet se me vendim të prokurorit janë kontrolluar shtëpitë e të dyshuarve dhe janë sekuestruar 5 (pesë) vetura, dokumente të ndryshme, 37.200 (tridhjetë e shtatë mijë e dyqind) euro para të gatshme, 320 (treqind e njëzet ) franga zvicerane dhe 12(dymbëdhjetë) telefona mobil.
Me vendim të prokurorit të dyshuarit janë dërguar në mbajtje.
