Në Serbi komentohet videomesazhi i Radoiçiçit – “Shqiptarëve s’ka çka t’u bëjë, por dëshiron t’i disciplinojë serbët”

Shfaqja e nënkryetarit të Listës Serbe, Milan Radoiçiç, në një video të regjistruar me tone kërcënuese në malet e Leposaviqit, nuk përbën kërcenim ndaj shqiptarëve, por si kërcënim për diciplinim ndaj serbëve të Kosovës, ka thënë sociologu seb, Jovo Bakiç.

Radoiçi është vetëm se një zgjatim i regjimit mafioz-autoritar të Beogradit që për synim nga mbajtjen e serbëve nën frikë në Veri, vlerësoi ai.

“Qëllimi i tij është të mbajë serbët nën frikë, veçanërisht pas vrasjes së Oliver Ivanoviçit, që t’u tregojë se secili mund të jetë shënjestër”, ka thënë sociologu serb.

“Mesazhi i fundit e tregon këtë”, shprehet Bakiç. “Sidoqoftë, ai asgjë nuk mund t’iu bëjë shqiptarëve që kanë NATO-n brenda, prandaj kërcënimi për dhunë duke u shfaqur me pistoletë të zbrazët për të frikësuar dhe disciplinuar serbët”.

Mes tjerash, ai tha se Radoiçiç është vetëm se një kriminel i lidhur me regjimin e Beogradit, nga i cili edhe buron “autoriteti” i tej.

“Milan Radoiçiç është kumbari i Zvonko Veselinoviçit. Së bashku ata sundojnë veriun në Kosovë në emër të regjimit mafioz-autoritar. Ata kanë sipërmarrje të përbashkët fitimprurëse që marrin punë nga kompani publike, që përndryshe shpërlajnë para”, ka thënë ai për “Danas”.

Radoiçiç ditë më parë u shfaq përmes një video mesazi të regjistruar në Leposaviq.

“Terrori i vërtetë kundër popullit tonë serb po fillon tani. Për popullin tim në veri dhe për të gjithë serbët, vetëm më lejoni t’u them, dhe atyre të tjerëve, unë jam këtu, jam kthyer dhe ju e dini se çfarë do të thotë sepse nga këtu nuk ka kthim prapa. Rroftë Serbia”, tha Radojçiç.