Benjamin Netanyahu ka humbur pushtetin pas 12 vjetësh pasi që sot parlamenti izraelit ka aprovuar koalicionin e ri qeverisës.
Kryeministri i ri i Izraelit pritet të jetë rivali i Netanyahut, Naftali Bennett.
Naftali Bennett, kreu i një partie të vogël ultranacionaliste, u betua si kryeministër pas një votimi të ngushtë 60-59 në parlament. Por nëse ai dëshiron të mbajë karrigen e kryeministrit, ai do të duhet të mbajë një koalicion jonatyral të partive nga e djathta, e majta dhe të qendrës.
Tetë partitë, duke përfshirë një fraksion të vogël arab që po bën historinë duke qëndruar në koalicionin qeverisës, janë të bashkuar për të rrëzuar Netanyahun dhe kanë dalur kundër zgjedhjeve të reja, por që nuk bien dakord për asgjë tjetër. Ata ka të ngjarë të ndjekin një axhendë modeste që kërkon të zvogëlojë tensionet me palestinezët dhe të mbajë marrëdhënie të mira me SH.B.A. pa filluar asnjë iniciativë të madhe.
Netanyahu qëndrojë në heshtje gjatë votimit. Pasi u votua qeveri, ai u ngrit në këmbë për të lënë dhomën, para se të kthehej dhe t’i shtrëngonte dorën Bennett. Një Netanyahu i dëshpëruar, u ul për pak kohë në karrigen e liderit të opozitës përpara se të dilte jashtë.
