Xhiro e Italisë, për herë të parë në histori, nisi nga Shqipëria.
Evenimenti prestigjioz i çiklizmit çeli edicionin e 108-të me “Nisjen e Madhe”, që parashikon 3 etapat e para në vendin tonë. Etapa e parë, Durrës-Tiranë, 160 kilometra e gjatë, nisi në orën 13:10.
Nisja neutrale u bë në Rrugën “Egnatia” në Durrës, ndërsa finishi i etapës pritet në orën 17:00, në Bulevardin “Dëshmorët e Kombit”, në Tiranë, para Pallatit të Kongreseve.
Pas 65 kilometrave të para me një terren të sheshtë, çiklistët do të përballen me ngjitjen e Gracenit, përpara se të arrijnë në Tiranë, për të vijuar më pas me ngjitjen në Surrel, me pjerrësi deri në 13%.
Kilometrat e fundit vijojnë me zbritjen nga Surreli, për t’u mbyllur me finishin në terren të sheshtë.
