Gjykata e Apelit të martën ka vendosur që rastin e njohur si “Syri i Popullit” ta rikthejë në rigjykim nga shqyrtimi fillestar, duke anuluar aktgjykimin e Gjykatës Themelore në Prishtinë, të marrë disa muaj më parë.
Departamenti Special i Gjykatës së Apelit vendosi që i pandehuri Sadri Ramabaja të lirohet menjëherë nga masa e paraburgimit, dhe t’i caktohet masa e paraqitjes në stacion policor.
Ramabaja përmes një postimi në Facebook ka reaguar pas këtij lajmi duke thënë se ka qenë peng dhe dhe i burgosur politik në burgjet e Republikës, shkruan Reporteri.
Ai ka njoftuar se është në shtëpi, derisa ka kërkuar nga familjarët e miqtë që për shkak të situatës me pandeminë të mos e vizitojnë.
Njoftimi i plotë:
Të dashur shokë e miq,
Sic e dini, prej 07.10.2017 e deri sot – 21.07.2020, kam qenë peng dhe i burgosur politik në burgjet e Republikës!
Gjykata e apelit, me aktvendimin APS.nr. 20/20 ka kthye lëndën në rigjykim, meqë konstaton shkelje të procedurave dhe gjenë mungesë
argumentesh në aktgjykimi e Gjykatës Themelore, ndërkaq mua, duke aprovuar pjesërisht propozimin tim dhe të avokatit tim, më liron, respektivisht
urhëron “ndërprerjen e menjëherëshmë të paraburgimit“ dhe më obligon qe në muajin pasues të paraqitem një herë në javë në polici.
Si rrjedhojë, prej sot, më 21.07.2020, unë jam sërish i lirë, në shtëpi, me të dashurit e mi.
Do të doja që t`ju takoja e t` ju pëerqafoja të gjithëve Juve që më keni munguar shumë, por meqë jemi në mes të pandemisë, më duhet t`i respektojë udhëzimet e ekspertëve tanë të mjekësisë dhe t`i nënshtrohem protokollit të rreptë që ma kërkojnë.
*Ju lus që mos të vini; ne nuk pranojmë mënorë (mysafirë) në kohë pandemie.*
Familjarë të rrethit tim të ngushtë më telefononi në këtë nr: 044 / 662 982
Me respekt!
Sadri RAMABAJA
