Një foto e një polici serb me maskë dhe tatuazh po shpërndahet në internet, protestuesit po pyesin “me kë kanë të bëjnë”?

Ekzistojnë rregulla specifike kur bëhet fjalë për pamjen dhe sjelljen e oficerëve të policisë në detyrë.

Shoqata profesionale e policisë “Dr. Rudolf Archibald Reiss” i shkroi sot Ministrit të Brendshëm të Serbisë,  Ivica Daçiq në lidhje me përdorimin e “policisë fantazmë” gjatë sigurisë së bllokadave civile, duke deklaruar se kjo praktikë ka shkaktuar reagime të forta negative nga opinioni.

Në një deklaratë, shoqata vlerësoi gjithashtu se një praktikë e tillë kontribuon në perceptimin e mungesës së transparencës, dhe dëmton më tej besimin e qytetarëve në institucione.

Shkalla e këtij mosbesimi tregohet edhe nga postimet në rrjetet sociale, të cilat “ekspozojnë” njerëz që dje, me uniforma, por pa shenjat e zakonshme të policisë dhe me maska në fytyrat e tyre, po rivendosnin rendin në qytet.

Shumë besojnë se këta nuk ishin aspak oficerë të vërtetë policie dhe po përpiqen të zbulojnë “me kë kemi të bëjmë në të vërtetë”, transmeton Telegrafi.

Përveç “anonimitetit”, u vu re edhe se disa prej tyre kanë tatuazhe, gjë që në fakt është e ndaluar të bëhen në pjesë të dukshme.

Sipas Rregullave mbi Sjelljen dhe Pamjen Personale të Oficerëve të Policisë, tatuazhet nuk lejohen në pjesët e dukshme të trupit, dhe nëse ekzistojnë, ato duhet të mbulohen me rroba. /Telegrafi/