Përveç retorikës së zakonshme provokuese, presidenti serb të shtunën është paraqitur me një provokim të ri vizual.
Në podiumin nga ku ka dalë për të folur me serbët gjatë vizitave të tij në Serbi, prapa krahëve të Aleksandër Vuçiqit ka qëndruar një hartë e madhe ku Kosova është paraqitur si pjesë e Serbisë.
Pavarësisht thirrjeve të bashkësisë ndërkombëtare për frenim të retorikës dhe veprimeve provokuese, në prag të takimit të nivelit të lartë në Maqedoninë e Veriut mes palës së Kosovës dhe asaj serbe, Vuçiqi nuk është ndalur.
Ai ka thënë se nuk do ta njohë kurrë pavarësinë e Kosovës, as de facto dhe as de jure.
Takimi i radhës mes kryeministrit Albin Kurti dhe Vuçiqit mbahet më 18 mars.
