Një muaj pas shqiptimit të masës së suspendimit U.D i drejtorit të Burgut së Sigurise së Lartë në Dyz, Burim Buleshkaj është kthyer në punë.
Shkelje të lehtë të masave gjatë kohës së pandemisë e kishte vlerësuar Komisioni Disiplinor i Ministrisë së Drejtësisë pjesëmarrjen në afengun e Bajgorës të ushtruesit të detyrës së drejtorit të Burgut të Sigurisë së Lartë, Burim Buleshkaj.
Këtë e ka konfirmuar për Gazetën Insajderi, drejtor i Shërbimit Korrektues, Nehat Thaçi.
“Po është kthyer në punë pasi është shqyrtuar rasti. Zyrtarit i është dhënë vërejtje, pra është konstatuar shkelje administrative e lehtë”, ka bërë të ditur Thaçi për Insajderin.
Burim Buleshkaj u suspenduar nga punë pasi kishte qenë i pranishëm në një ndejë private në Shalë të Bajgorës së bashku me Nazmi Thaçin, vëllanë e Presidentit të Kosovës, Hashim Thaçit, me dy persona të dyshuar për lidhje me krimin: biznesmenin Blerim Potera dhe Bedri Mustafën, vëllanë e komandant “Remit”.
Ndonëse, organizimi i kësaj “ndeje” ishte bërë në kohë pandemie duke mos respektuar kështu vendimin mbi masat e emergjencës shëndetësore, përkatësisht me kufizimin e lëvizjes dhe të tubimeve.
Një ditë pas raportimit të Gazetës Insajderi, për ndejen e “Bajgorës”, Ministria e Drejtësisë kishte suspendohen Burim Buleshkaj, ushtrues detyre i burgut të Sigurisë së Lartë dhe komandanti i Njësisë Speciale, Amir Gërguri.
