Një tramvaj doli nga shinat këtë të martë, më 29 tetor në Oslo dhe përfundoi duke u përplasur me një dyqan në qendër të qytetit, një aksident jashtëzakonisht i rrallë që la të plagosur katër persona dhe shkaktoi panik tek kalimtarët.
Aksidenti ka ndodhur në orët e vona të mëngjesit në një zonë të frekuentuar të kryeqytetit norvegjez. Tramvaji i cili duhej të kthente, për një arsye ende të papërcaktuar, doli nga shinat dhe përfundoi në një dyqanin e produkteve të Apple, në një cep të rrugës.
