Njerëz të shtrirë nëpër rrugë, pamjet e para të shpërthimit në Stamboll

Presidenti turk Rexhep Tajip Erdogan ka thënë se shpërthimi në rrugën Istiklal të Stambollit u shkaktua nga një sulm me bombë, duke shtuar se gjashtë persona vdiqën në incident.

Duke folur përpara nisjes së tij në samitin e G-20 në Indonezi të dielën, Erdogan tha se shpërthimi ishte një sulm i pabesë dhe autorët e tij do të ndëshkoheshin.

53 të tjerë u plagosën, sipas informacioneve që ai mori nga guvernatori i Stambollit.

Rruga Istiklal është një rrugë e mbushur me njerëz, e njohur nga turistët dhe vendasit dhe e rrethuar nga dyqane dhe restorante.

Një video e postuar në internet tregon flakët duke shpërthyer dhe një zhurmë të fortë, teksa këmbësorët kthehen dhe ikin.

Shpërthimi ndodhi në një nga rrugët tregtare më të ngarkuara të qytetit, afër disa atraksioneve turistike.