“Nuk dorëzohet Faton Hajrizi, ose iu ikë serbëve, ose shkakton viktima, ose vetëflijohet”, çka mund të ndodh me të?

Një vrasje ka ndodhur sot në Llozincë të Serbisë, ku mbeti i vrarë një polic – për këtë krim është përmendur emri i Faton Hajrizit, i arratisur nga burgu ku mbahej në Kosovë.

Emrush Thaçi, ish-Drejtor i Burgjeve, ka thënë në “Pressing” të T7, se me aq sa e njeh ai Faton Hajrizin, nuk do të “bie në duart e serbëve”.

Ai ka thënë se Hajrizi mund të shkaktojë viktima të tjera, apo të vetëflijohet, por thotë se ‘nuk do të kapet nga policia serbe’.

“Ai ose ikë nuk dorëzohet, vetëfllijohet, për aq që e njoh. Nuk i bjen policisë serbe ai në asnjë mënyrë. Ai ka me tentu edhe viktima tjera me bë, ikjen e ka primare. Ndoshta edhe viktima tjera bën, a nuk besoj që ai bjen në duar të serbëve”, ka thënë ai.