Ai thotë se është i zhgënjyer nga klasa politike pasi fërkimet e partive po ndikojnë në polarizimin e shoqërisë.
“Njerëzit po armiqësohen si pasojë e përplasjeve që politikanët bëjnë në mes veti”, tha ai.
I pyetur se a lejohet që hoxhallarët të bëjnë parashikime se cila parti do të fitojë në Kosovë, Avdiu ka thënë se një gjë e tillë nuk është e pëlqyeshme.
“Hoxhallarët janë pjesë e kësaj shoqërie dhe kanë drejtë të kenë mendim politik. Kanë drejtë madje edhe të anojnë politikisht. Mirëpo etika e hoxhës pasi atë e dëgjojnë shumë njerëz nuk e pëlqen një gjë të tillë. Po shprehem më butë për të mos thënë etika nuk e lejon që hoxha të jetë shumë i politizuar”.
Ditë më parë hoxhë Shefqet Krasniqi kishte deklaruar se “Vetëvendosje do të fitojë përsëri në zgjedhje nëse partitë tjera i gënjejnë përsëri elektoratin”.
