Në “Weekend” në Klan Kosova, motra e nderit, Lindita Spaqi ka folur rreth konvertimit të shqiptarëve nga myslimanë në katolik.
Ajo tha se nuk është pro propagandave dhe se pjesa e besimit është individuale.
Derisa shtoi se sot jetojmë në demokraci dhe është në rregull të ndërrohet feja.
“Ne e dimë që në historinë tonë shumë vjeçare kanë qenë proceset e konvertimeve si pasojë e okupimeve historike qe kanë qenë, posaçërisht në Kosovë kanë qenë konvertimet në myslimanë dhe ortodoksë që kanë qenë të dhunshme në atë periudhë historike. Pastaj ka kalu një kohë e gjatë dhe njerëzit janë adaptuar me një stil jete dhe me një besim të tillë”.
“Mendoj që ata që po konvertohen mendoj që është më shumë në familjet që janë konvertuar më vonë, sepse historinë e kanë më të freskët. Mund të kenë pasur gjyshër që i kanë trashëguar traditat. Dhe jemi duke jetuar në një periudhë demokracie që njerëzit janë të lirë për me vendos për besimin e tyre. Është në rregull nëse njerëzit dëshirojnë ta ndërrojnë fenë”, tha Spaqi.
