Rastet e dhunës në familje në Kosovë janë të shpeshta. Veç rasteve kur burrat sulmojnë gratë, fëmijët prindërit e anasjelltas, mes vetes raportohet shpesh se rrihen edhe vëllezërit e motrat.
Burime të Gazetës Sinjali, brenda Prokurorisë, bëjnë me dije se një rast i tillë ka ndodhur mbrëmë në një familje, në rrugën “Adem dhe Bakir Gjuka” në Pejë.
Siç mëson Sinjali, dy vëllezër u kapën mes vete, pasi nuk mundën të merreshin vesh për pasurinë.
Si pasojë e mosmarrëveshjes, njëri vëlla ushtroi dhunë ndaj tjetrit, për çka u desh intervenimi i Policisë.
I dyshuari u arrestua dhe u dërgua në stacion policor për intervistim, teksa deklaratë para hetuesve policorë ka dhënë edhe vëllai, viktimë e këtij rasti.
Pas marrjes së deklaratave nga palët, Prokurori i Shtetit ka iniciuar rastin për dhunë në familje dhe i dyshuari është ndaluar për 48 orë.
