<p><strong>Lajm i vjeter, per nje incident qe ne thelb nuk kishte vendosjen e maskes, por sjelljen e pahijshme te njerit prej anetareve te ekuipazhit. Ndjesa e kompanise u pranua qe ate dite”.</strong></p>
<p>Me këto fjalë, Endri Fuga, drejtori i Komunikimit të Kryeministrisë tentoi të shuante flakën e portaleve për incidentin ku shefi i tij ishte përfshirë gjatë një udhëtimi nga Gjermania në SHBA në dhjetor të vitit të kaluar.</p>
<p><img class="alignnone size-medium wp-image-171437" src="https://www.fmimages.net/wp-content/uploads/2022/04/CEB2C7A7-98FE-4E02-A700-67EDD20815E3-1022x771.jpeg" alt="" width="1022" height="771" /></p>
<p>Dhe Fuga publikoi një gjysmë faqeje të letrës së kompanisë “Lufthansa”. Në atë gjysmë-faqeje thuhet: “Në emër të Lufthansa German Airlines, kërkojmë ndjesë që ju dhe familja juaj jeni zbritur nga fluturimi LH442 i Lufthansa nga Frankfurt në Detroit më 3 dhjetor 2021 dhe na vjen thellësisht keq për çdo shqetësim që ka shkaktuar kjo ngjarje”.</p>
<p>Megjithatë e-maili nuk e shfajëson Ramën nga pretendimet e ngritura në Der Spiegel. Në të kompania është e kujdesshme të shprehet se kërkonte ndjesë vetëm “në rast se sjellja e ndonjë anëtari të ekuipazhit ishte perceptuar si jo e përshtatshme dhe nuk ishte trajtuar me ndjeshmërinë dhe diskrecionin e nevojshëm”.</p>
<p>Kjo sepse drejtuesi i Lufthansa, Carsten Spohr në intervistën për “Spiegel” e ka mbështetur veprimin e kompanisë së tij për “një shef qeverie” që kishte refuzuar të vendoste maskën.</p>
<p>“Si për çdo pasagjer asistenti i fluturimit iu lut me mirësjellje zotërisë të vendoste maskën: një herë, dy herë. Pas kësaj drejtuesja e kabinës shkoi tek ai: një herë, dy herë.</p>
<p>Pasi edhe pas kësaj nuk ndodhi asgjë kapiteni u kujdes që pasagjeri të zbritej nga bordi i shoqëruar nga policia federale. Unë mbështes plotësisht ekuipazhin tonë, nuk ka trajtime preferenciale,” – shtoi ai.</p>
<p>Edhe komentuesit i kërkojnë Fugës në profilin e tij në Twitter që të publikojë letrën e plotë të Lufthansa.</p>
<p>“Postimi i gjysmës së letrës është mashtrim” – shkruan dikush. “Po pra, me foto te emailit per gjysem. Propagande idiote. Jepe te gjithe emailin Fuga” – e mbështet dikush tjetër.</p>
<p>“Fjala kyçe e kesaj pjese hyrëse te nje letre te gjate kam pershtypjen, eshte “perceived” = “perceptuar” – vëren një i tretë që gjithashtu sheh se letra nuk është e plotë.</p>
<p>“Po gjysem tjeter ka letra? Te gjithe njerzit qe fluturonin me Lufthansa ne dhjetor 2021 duhet te mbanin maskë! Edhe Rama! Keto falje nuk mohojne lajmin” – shkruan një tjetër komentues.</p>
<p>I pyetur nga BIRN për të dhënë sqarime mbi pretendimet e “Spiegel”, Fuga tha se “nuk kishte asgjë për të shtuar”.</p>


Një video e re nga një kënd tjetër që tregon aeroplanin e “Air India” duke…
Një burrë britanik që pretendon se ka mbijetuar aksidentin në Ahmedabad ka përshkruar momentin kur…
LDK-ja, e cila refuzoi të bashkëqeverisë me LVV-në, dëshiron Qeveri të Unitetit me përfshirjen e…
Një emigrant shqiptar në Greqi është bërë personazhi i ditës në mediat e vendit fqinj…
Një avion pasagjerësh i “Air India” u rrëzua në aeroportin e Ahmedabad, një qytet në…
Burime që folën për mediat amerikane pohuan se Izraeli planifikon të kryejë operacion ushtarak kundër…