Osmani godet Qeverinë që refuzoi propozimin e saj për t’ia hequr taksën SHBA’së: Turp, i kemi vënë tarifa aleatit ekzistencial, Serbisë zero
Presidentja e vendit, Vjosa Osmani, në një intervistë për Rubikon të Klan Kosovës, ka folur për propozimin e saj për heqjen e tarifës për prodhimet amerikane.
Ajo është shprehur se nga ana e Qeverisë ka pasur një refuzim, duke thënë se Kosova ka zero tarifa ndaj Serbisë, kurse i ka vënë tarifa SHBA-së, gjë të cilën ajo e ka quajtur turp të madh.
“Kjo s’ka të bëjë me çështje fiskale, kjo ka të bëjë me aleanca strategjike. Llogariteni, sot në prill 2025, Kosova ka zero tarifa ndaj Serbisë, kurse i ka vënë tarifa aleatit të vet ekzistencial, SHBA-së, për mua kjo është turp, nuk ka turp më të madh”.
“Dhe në vend se të mirëpritet një propozim nga Presidentja e Kosovës, unë nuk jam Presidente e Serbisë, jam e Kosovës, në fakt propozimet edhe nga qytetarët kur vijnë ato duhet të mirëpriten, e lëre më nga Presidentja e Kosovës, që e mbron interesin e Kosovës”.
“Unë pash në fakt refuzim, në praktik kjo është refuzim”, është shprehur tutje Osmani.
