Deputeti i Aleancës për Ardhmërinë e Kosovës, (AAK), Pal Lekaj, ka pasur reagime të ashpra ndaj Qeverisë në interpelancën e sotme që po mbahet për faljen e gjobave të pandemisë.
Lekaj thotë se kryeministrit, kjo opozitë i duket shume e kulturuar, pasi veprimet e kryeministrit në opozitë kanë qenë vetëm me gaz dhe gjuajtje
“Besoni që po ndihem shumë keq, thua se kjo botë ka lind me ju, thua se kjo botë nuk funksionon pa Lëvizjen Vetëvendoje. Është për të ardhur keq. Ani kur e kom ni prej kryeministrit që thotë se ‘a doni me ju msu qysh bohet opozita’. Kjo opozitë i duket shumë e kulturuar sepse veprimet që i ka pas kryeministri kanë qenë vetëm me gaz e me gjuajtje. Nuk na ka met tjetër vec m’i marr edhe bombolat e gazit edhe me i than që nëse mendon që kështu bëhet opozita, që po ia nisi”, tha Lekaj.
Ai madje iu drejtuar qeverisë edhe me fjalët “duhet me ju ardh turp”.
“Dikush e tha që spo du me ja përmen emrin, e keni thirr interpelancëm, na vendosim për vetveten, s’kemi dasht me bo politik me qytetarët, edhe këtu me ardh me bo pallavra e me përmend vetëm fitoren e juve dhe arrogancën e numrave. Duhet me ju ardh turp, duhet me ju ardh turp”, tha Lekaj.
Interpelanca për faljen e gjobave gjatë pandemisë u thirr nga Aleanca për Ardhmërinë e Kosovës (AAK).
Shefi i grupit parlamentar të kësaj partie, Besnik Tahiri ka kërkuar që këto gjoba të falen si për bizneset ashtu edhe për qytetarët.
