Një garë ilegale me përleshje të qenve ka ndodhur dje në rrethinën e komunës së Prizrenit. Indeksonline i ka siguruar disa fotografi që shfaqin pamje grafike horror në përleshjen e qenve në mes vete.
Në këto fotografi shihen dëmtimet makabare që kanë pësuar qentë gjatë përleshjes në mes tyre, ku pronarët e tyre i fusin në garë se cili qen po del fitues.
Këto foto madje dje janë postuar nëpër rrjete sociale por meqenëse njerëzit kanë reaguar ato janë fshirë nga interneti.
Sipas informacioneve të tona nëpër fshatra të Prizrenit gara të tilla mbahen pothuajse çdo javë.
Pronarët e qenve janë të kujdesshëm që kjo gjë mos të bie në vesh të policisë pasi që gara të tilla janë të ndaluara dhe të dënueshme me ligjet e Republikës së Kosovës.
