Pamje të reja nga bombardimi i rrugës, nëpër të cilin do të kalonte konvoji i mjeteve ushtarake të grupit mercenar Wagner

Një video amatore e publikuar në rrjetet sociale, pretendohet se shfaq momentin kur hidhet në erë një pjesë e autostradës nëpër të cilën po kalonte konvoji i mjeteve ushtarake të grupit mercenar Wagner

Pjesëtarët e Wagnerit pretendojnë se rruga u bombardua nga forcat ruse, me qëllim që të parandalojnë shkuarjen e tyre në Moskë, duke kërcënuar me rebelim.

Në anën tjetër, ky veprim i Wagner-it në krye me Yevgeny Prigozhin, bëri që autoritet ruse të sigurisë të rrisin nivelin e sigurisë brenda territorit.

E vetë Prigozhin u arratis për në Bjellorusi, kurse presidenti rus Vladimir Putin i ka dhënë disa opsione pjesëtarëve të këtij grupi.

Ky konvoj kishte për destinacion final Moskën, por u ndalën në gjysmë të rrugës, e sipas autoriteteve ruse ata do të kenë rastin të zgjedhin mes jetës civile apo duhet t’i bashkohen ushtrisë ruse.