Janë publikuar për herë të parë pamjet e ndjekjes së gomones nga policia greke, e cila u ndalua pasditen e djeshme në kufirin greko-turk, pasi dyshohej se ishte përfshirë në trafik narketikësh.
Pas një “lufte” të gjatë në ujërat greke mes policisë dhe trafikantëve, ku pati dhe shkëmbim zjarri, autoritetet greke ia dolën të rrethonin skafin super të shpejtë, duke arrestuar dy shtetas shqiptarë dhe nj italian. Siç shihet dhe në pamje, trafikantët shqiptarë kanë qenë të maskuar me skafandër dhe maska.
Në super-aksionin detar u përfshi edhe një helikopter, i cili mbante nën shënjestër trafikantët me snajper, ndërsa policët ishin të armatosur në ndjekjen në det.
