Pas gati 30 vite, Sali Berisha nuk do të ulet në Kuvend si deputet i partisë Demokratike, pasi sot ai u përjashtua nga grupi parlamentar demokrat që vetë e themeloi në 1990. “Fundi” i erdhi nga “i biri shpirtëror”, personi që futi vetë në parti dhe e katapultoi atë në postet më të larta, Lulzim Basha.
“Për të shmangur çdo keqkuptim dhe për të konkretizuar këtë qëndrim të vetë z. Berisha, kam vendosur që deri në përfundimin e shqyrtimit të kërkesës ligjore për transparencë dhe zbardhjes së plotë të kësaj çështje në rrugë gjyqësore, z. Berisha nuk do të jetë anëtar i Grupit Parlamentar të Partisë Demokratike”, tha mes të tjerave Basha.
