Donald Trump ka pohuar se Sir Keir Starmer ‘nuk ka bërë asgjë’ për t’i dhënë fund luftës në Ukrainë – vetëm disa ditë para se të mirëpresë kryeministrin në Shtëpinë e Bardhë .
Pas valës amerikane të sulmeve përmes çdo rrjeti social ndaj Ukrainës dhe liderit të saj, Volodymyr Zelensky, Donald Trump ka nisur të kritikojë edhe kryeministrin britanik Keir Starmer dhe Presidentin francez, Emmanuel Macron.
Në kulmin e një grindjeje transatlantike, përpara se Starmer dhe Macron të mbërrijnë në Uashington për ta takuar, Presidenti i SHBA shpërtheu kundër “qasjes” së tyre ndaj Ukrainës.
“Ata nuk bënë asgjë për t’i dhënë fund luftës. Lufta po vazhdon, nuk ka takime me Rusinë, nuk ka asgjë. Ata nuk kanë bërë asgjë. Macron është miku im, dhe unë jam takuar me kryeministrin, ai është një djalë shumë i mirë… [por] askush nuk ka bërë asgjë. Unë kam vite që e shikoj këtë situatë duke vazhduar dhe po e bëj për një arsye, e urrej vrasjen. Unë e urrej të shoh ata të rinj të vrarë”, tha Trump në një intervistë për Fox News.
Këto komente zemëruan si kryeministrin ashtu edhe presidentin francez, të cilët u kundërpërgjigjën duke dyfishuar mbështetjen e tyre për Kievin.
Macron paralajmëroi gjithashtu Trumpin që të mos jetë ‘i dobët’ përballë Vladimir Putin, mes frikës se presidenti i SHBA ka mbajtur anën e Moskës gjatë bisedimeve të paqes.
Sakaq, Macron pritet të fluturojë për në Amerikë për bisedime me presidentin amerikan të hënën, ndërsa kryeministri britanik do të shkojë në SHBA më vonë gjatë javës.
Një ngjarje në kufijtë e mrekullisë dhe e denjë për filma ka ndodhur në Bulqizë…
Një ngjarje e rëndë ka ndodhur në Malaga të Spanjës, ku tre shqiptarë humbën jetën…
Presidenti i Shteteve të Bashkuara, Donald Trump, ka komentuar sërish përplasjen e ashpër që pati…
Një ndjekje dramatike në Puerto de la Torre të Spanjës ka përfunduar tragjikisht me katër…
Haxhi i këtij viti në Arabinë Saudite tërhoqi numrin më të ulët të pelegrinëve në…
Një incident i pazakontë ka ndodhur të enjten në stacionin policor në Lipjan, ku një…