Patriarku Ekumenik për Kishën Ruse: Tradhëtare!

Patriarku Ekumenik Bartolomeu tha se Kisha Ortodokse Ruse tradhtoi etërit e Kishës Ortodokse duke mbështetur sulmin ndaj Ukrainës.

Moska e quan luftën në Ukrainë një operacion special ushtarak që synon çlirimin e Ukrainës nga fashistët, të cilin Kievi dhe aleatët e tij perëndimorë e quajnë një justifikim për një luftë të paprovokuar.

Patriarku rus Kirill mbështeti aksionin e Moskës dhe pozicioni i tij u përhap në të gjithë Kishën Ortodokse.

Këshilli Botëror i Kishave i ka kërkuar Patriarkut Kiril që “të ndërhyjë dhe të ndërmjetësojë” për ndalimin e luftës, shkruan Reuters.

Në një intervistë për televizionin shtetëror grek ERT të martën mbrëma, Bartolomeu tha se ai pret që Kirill të kundërshtojë vendimin e presidentit rus Vladimir Putin për të sulmuar Ukrainën dhe të japë dorëheqjen, nëse është e nevojshme.

“Nuk është e pamundur që të gjitha kishat të mos e dënojnë dhunën, luftën. Kisha ruse na ka zhgënjyer. Unë nuk doja që kisha ruse dhe vëlla Patriarku Kirill të ishin ky përjashtim tragjik. Nuk e di se si mund të justifikohet”, tha Bartolomeu.

Ai tha se priste që Kirili të ngrihej në një moment historik, vendimtar dhe nëse do të ishte e nevojshme, të sakrifikonte pozicionin e tij, t’i thoshte Putinit “Zoti President, nuk jam dakord me ju, jap dorëheqjen”.