“Pëlqen Melanian më shumë se unë!”, Trump zbulon se çfarë i tha Putin gjatë telefonatës

Presidenti amerikan, Donald Trump ka thënë se Presidenti i Rusisë Putin e lavdëroi gruan e tij Melania gjatë telefonatës së tyre për të diskutuar armëpushimin në Ukrainë.

Pasi foli me Putinin, Trump tha: “Putin sapo tha ‘ata e respektojnë shumë gruan tuaj’.

“Thashë, po unë? Epo, atyre u pëlqen më shumë Melania. Kjo nuk ishte mirë, nuk e di nëse ishte mirë.”

Komentet e Trump erdhën pak para nënshkrimit të Aktit “Take It Down”, të mbështetur nga gruaja e tij, i cili e bën të paligjshme publikimin ose kërcënimin për publikimin e imazheve ose videove seksuale pa pëlqimin e personit tjetër, duke përfshirë “deepfakes” të krijuara nga inteligjenca artificiale, sipas medias së huaj.

Ato pasuan një fjalim të rrallë nga zonja e parë, e cila tha se projektligji ishte një “fitore kombëtare” dhe i quajti inteligjencën artificiale dhe mediat sociale “karamelet dixhitale për brezin e ardhshëm”.

“E ëmbël, problematike dhe e projektuar për të pasur një ndikim në zhvillimin kognitiv të fëmijëve tanë. Por ndryshe nga sheqeri, këto teknologji të reja mund të shndërrohen në armë, të formësojnë besimet dhe për fat të keq të ndikojnë në emocione, madje edhe të jenë vdekjeprurëse”, shtoi ajo.