Për arritjen e koalicionit, lëshoi pe edhe VV-ja edhe LDK-ja

Të dyja partitë fituese, Vetëvendosja e Lidhja Demokratike e Kosovës mësohet se kanë lëshuar pe për t’u arritur sonte marrëveshja për bashkë-qeverisje.

Burime nga të dyja këto kampe, kanë thënë se kryeparlamentari Glauk Konjufca do ta lëshojë karrigen për dikë të LDK-së, derisa kjo e fundit, sa i përket çështjes së presidentit, do të presë derisa Hashim Thaçit, presidentit aktual, t’i përfundojë mandati.

Më pas, këto dy parti do të mblidhen prapë për të diskutuar rreth emrit që do të jetë president i ardhshëm i Republikës së Kosovës.

Burimet gjithashtu theksuan se nesër mblidhen Këshillet e Përgjithshme të të dyja partive, që të votohet marrëveshja e më pas të nënshkruhet.