Nga “Made in Turkey” tani më në “Made in Türkiye” .
Me një dekret të firmosur nga presidenti turk Rexhep Tajip Erdogan, ai “nacionalizon” emrin ndërkombëtar të vendit, me qëllim, siç pretendon për të forcuar njohjen e Turqisë jashtë vendit por edhe që konsumatorët e huaj të mos ngatërrojnë Turqinë me gjelin e detit, që në anglisht shkruhet turkey.
Tashmë emri i shtetit turk do të shkruhet “Türkiye” në ambalazhin e produkteve që prodhohen në vend, për të ruajtur prejardhjen turke të produkteve në mbarë botën.
Masa synon rritjen e njohjes së produkteve turke në mbarë botën dhe, siç thuhet në dekretin presidencial, “pasqyron më thellë kulturën dhe vlerat e popullit turk”.
