Përshkallëzim i situatës në fund të janarit nga Rusia, alarmon Ukraina

Ministri i Mbrojtjes i Ukrainës vlerësoi të premten se Rusia ka grumbulluar më shumë se 94,000 trupa pranë kufijve të tyre dhe tha se ekziston një probabilitet i një “përshkallëzimi në shkallë të gjerë” në fund të janarit.

Zyrtarët ukrainas dhe perëndimorë shprehën së fundmi alarmin për një grumbullim trupash ruse pranë Ukrainës, duke thënë se kishin frikë se paralajmëronte një pushtim. Moska ka mohuar planifikimin për të pushtuar dhe ka akuzuar Ukrainën dhe mbështetësit e saj perëndimorë për fabrikim të pretendimeve për të mbuluar planet e tyre të supozuara agresive.

Ministri ukrainas i Mbrojtjes Oleksii Reznikov u tha deputetëve të premten se numri i trupave ruse pranë Ukrainës dhe në Krimenë e aneksuar nga Rusia vlerësohet të jetë 94,300, raporton AP.

“Shërbimi ynë i inteligjencës analizon të gjithë skenarët, përfshirë edhe më të këqijtë. Ai vëren se ekziston një probabilitet i një përshkallëzimi në shkallë të gjerë nga ana e Rusisë. Koha më e mundshme kur (Rusia) do të jetë gati për përshkallëzimin është fundi i janarit”, tha Reznikov.

Ministri vuri në dukje se një përshkallëzim “është një skenar i mundshëm, por jo i sigurt, dhe detyra jonë është ta shmangim atë”.